„Google Chrome“ има 750 милиони активни корисници, овој податок беше објавен на конференцијата „Google I/O“. Податокот изгледа уште повеќе импресивен, кога ќе се земе во предвид дека прелистувачот доби 300 милиони нови корисници само во минатата година.
Не беше откриена бројката на корисниците на „Chrome“ кои го имаат на нивните компјутери, како и колкава е бројката на корисниците на мобилните телефони и таблети.
Во презентацијата беше речено дека „Chromebook“ на „Samsung“ е со цена од 250 долари и за 190 дена е најпродаван лаптоп на Амазон. Дополнителни информации во врска со иднината на „Chrome“ оперативниот систем, „Google“ ќе ги објави до крајот на годината.
Според податоците од „StatCounter“„Chrome“ моментално е најшироко користен пребарувач во светот, додека „Net Applications“ на прво место го стави „Explorer“.
