„HP Inc.“, која се грижи за хардверскиот бизнис на поранешната „Hewlett-Packard Co.“, забележа малку повисок од очекуваниот профит за кварталот, откако успеа да продаде повеќе персонални компјутери, пренесува „Ројтерс“.
Приходите од единицата за персонални компјутери на „HP“ се зголеми за 12 отсто до 9,40 милијарди долари во третиот квартал, што заврши на 31-ви јули. Продажбата на лаптопи се зголеми за 16,4%, компензирајќи го падот на продажбата на десктоп.
Фирмата со седиште во Пало Алто, Калифорнија, предвидува годишна добивка од 1,6301 долари по акција, во споредба со прогнозата на аналитичарите за 1,64 долари според „Thomson Reuters I / B / E / S“.
Koмпанијата која го купи бизнисот со печатачи на „Samsung Electronics“ во септември, во средата изјави дека приходите од бизнисот со принтери и копирни машини пораснале за 6,2% до 4,70 милијарди долари во кварталот.
Сепак нето добивка од тековната операција опаднала до 696 милиони долари, или 41 центи по акција, од 843 милиони долари, или 49 центи по акција.
Со исклучок на некои производи, „HP Inc.“ заработи 43 центи по акција. Просечната прогноза на аналитичарите беше 42 центи по акција.
Акциите на „HP“ кои генерираат 27% раст на вредноста од почетокот на годината, запишаа слаб пад за време на берзанската трговија.
