Една од најпопуларните услуги на „BlackBerry“, „BlackBerry Messenger“ ќе се нуди и за уредите кои користат оперативни системи на „Android“ и „iOS“. Според информациите од компанијата апликацијата ќе биде готова уште ова лето.
Новиот „BlackBerry Messenger“ (BBM) ќе ги обезбеди сите услуги и функции кои се нудат и на телефоните кои тие ги произведуваат. Прво ќе бидат претставени текстуалните пораки и разговори, а постепено ќе бидат додадени и гласовните повици, споделувањето на фотографии и др.
Според извршниот директор Торстен Хајнс можностите на платформата „BlackBerry 10“ се толку големи што компанијата се чувствува сигурна во успех на и на „BBM“. Апликацијата ќе биде бесплатна и компатибилна со „iOS 6“ или понова верзија и „Android 4“ или понова верзија.
Освен тоа „BlackBerry“ ја претстави и нова функција на „BBM“ која вика „Channels“. Секој корисник може да си создаде “канал”, кој ќе биде следен од другите корисници, а тие ќе можат да ги добиваат најновите информации.
Една од главните цели на компанијата е „Channels“ да го користат брендовите и познатите личности. Постепено „Channels“ исто така ќе биде додаден како функција за „Android“ и „iOS“ уредите, но прво него ќе можат да го користат корисниците на оперативниот систем „BlackBerry 5“ или понова верзија.
