„Angry Birds“ на „Rovio“ конечно e симната од врвот. Според официјалната статистика најпопуларна игра во светот е „Candy Crush Saga“. Нејзиниот креатор „King.com“ исто така направи успех со тоа што ја надмина „Zinga“ (авторот на „Farmville“) како најпопуларна компанија за игри во социјалните мрежи. „King.com“ веќе има 66 милиони играчи низ целиот свет, од кои над 9 милиони од нив секојдневно ја играат сложувалката „Candy Crush“ на друштвената мрежа „Facebook“, додека на второто место се најде „Farmville“.
Успехот на лондонската компанија се должи на огромната популарност на играта која секојдневно добиваше нови играчи. „Candy Crush“ е најпопуларната игра на „Facebook“, но и според преземањата за оперативните системи „iOS“ и „Android“ во март и април. Во „Play Store“ повеќе од неа се превземени само апликациите „Facebook“ и „Whataspp Messenger“.
„Candy Crush Saga“ е од типот игри- загатка во која треба да наредите едно до друго или едно под друго 3 или повеќе исти бонбончиња за да исчезнат (слична е на „Jewels Stars“ и многу други). При 4 или 5 од една боја креирате супербонбонче кои ви помагаат полесно да преминете на следното ниво. Играта во моментов има околу 350 нивоа. Таа може да се игра не само на „smartphone“ или таблет, а исто така и на сајтот на „King.com“. „Candy Crush Saga“ може и да се синхронизира, овозможувајќи ви да ја стартувате на една платформа и да продолжите на друга.
Играта дебитираше за мобилните платформи во декември 2012-та година и само за 6 месеци стана светски хит. Само во последниот месец од минатата година таа беше симната 10 милиони пати.
