Членовите на Меѓународниот олимписки комитет (МОК) гласаа организацијата на наредните две олимпијади (2024 и 2028) симултано да биде доделена на Собранието кое ќе се одржи во септември.
Членовите на МОК решија домаќини да бидат Париз и Лос Анџелес, а со симултаното гласање ќе се реши кој град во која година ќе биде организатор на Летните олимписки игри.
По завршувањето на гласањето градоначалничката на Париз Ен Идалго и градоначалникот на Лос Анџелес Ерик Гарцети, заедно со првиот човек на МОК Томас Бах, заедно излегоа пред членовите на МОК, за да искажат својата благодарност што нивните градови повторно добија можност да организираат едни Летни олимписки игри.
Низ историјата Париз бил домаќин на ЛОИ во 1900 и 1924, а Лос Анџелес во 1932 и 1984 година.
