Во светот постојат многу скапоцени работи на кои вреди да се потрошат доста пари, но, тука се и оние работи кои никако не може да ја оправдаат цената…
Една од нив е и перницата на која наидовме. Нејзината цена е неверојатни 57,535 долари! Дали би потрошиле цело богатство и би си ја дозволиле најскапата перница во светот, која ви ветува совршен сон? Нормално оваа перница е скапа со причина.
Специјалистот за врат, Тијс ван дер Хилст ја креираше оваа перница со употреба на 3D технологија за скенирање, со цел да го пронајде совршено прецизниот облик, и притоа ја создаде од не-токсичната холандска мемори пена. Секоја перница е прекриена со рачно шиена Mulberry свила, египетски памук и 24-каратно злато. Патентот е украсен со четири дијаманти и огромен сафир кој тежи 22,5 карати.
Ако сакате да ја понесете оваа перница со себе додека патувате, можете да набавите и персонализирана Louis Vuitton торба за неа. Оваа перница официјално ќе дебитира во Дубаи на светскиот трговски саем меѓу 22 и 25 мај.