Блесквиот ѓердан „L’Incomparable“ влезе во новото издание на Гинисовата книга на рекорди. Ултра луксузниот дијамантски ѓердан е прогласен за најскап ѓердан во светот, а неговата цена изнесува 55 милиони долари.
Скапото парче накит е украсено со 91 дијамант од вкупно 637 карати. Централно место на импресивниот ѓердан зазема уникатен жолт дијамант од 407,48 карати.
Ѓерданот е дело на мултинационалната компанија „Mouawad“, која дизајнира, произведува и продава ексклузивни колекции накит и луксузни часовници. Досега компанијата има добиено три признанија од Гинис.
