Нафтениот и гасен гигант „Exxon Mobil“ објави пад на профитот од 40% во последниот квартал од минатата година поради сериозната загуба од оштетување. Во исто време приходите се зголемуваат за прв пат по девет последователни квартали на пад.
Сепак, растот на приходите не е толку голем како што „Wall Street“ очекуваше. Затоа и акциите на компанијата поевтинуваат со над 1,4% на почетокот на берзанското тргување на „Wall Street“.
Главниот извршен директор Дарен Вудс коментира дека долготрајниот пад на цените на суровините е исто толку важен за слабиот профит, како и загубата од оштетување. Вудс ја презеде функцијата минатиот месец од Рекс Тилрсон, кој беше номиниран од претседателот Доналд Трамп за државен секретар.
За кварталот до крајот на декември „Exxon“ – најголемата нафтена компанија во САД, забележа пад на добивката до 1,68 милијарди долари, или 41 центи по акција, од 2,78 милијарди долари, или 67 центи по акција, за истиот период на претходната година. Аналитичарите, анкетирани од „Thomson Reuters“, очекуваа резултат од 70 центи по акција.
Компанијата вели дека завршила со прегледот на средствата во кварталот и забележа загуба од отпишување на средства во истражувањата и производство за околу 2 милијарди долари. Без нив профитот се зголеми до 3,7 милијарди долари.
Приходите остварија зголемување од 2% до 61,01 милијарди долари – првото зголемување по неколку квартали, но сепак под прогнозата на аналитичарите беше за приходи во износ од 62,28 милијарди долари.
Единицата за студии и производство забележува загуба од 642 милиони долари, вклучувајќи го отпишувањето за 2 милијарди долари. Без него профитот постигнува добивка во износ од 4 милијарди долари наспроти 528 милиони долари во кварталот на претходната година.
Единицата за рафинирање и продажба забележува профит од 1,2 милијарди долари спрема 110 милиони долари во исто време на претходната година.
