Сместено на неверојатната Петитенгет плажа на Бали, „Katamama“ е неверојатно одмаралиште кое зрачи со индонезиска атмосфера и енергија…
Облечен во црвена цигла, „Katamama“ е ресорт кој е резултат на љубов, кој го креирала група уметници, во обид да создадат совршено место за бегство од сите грижи и проблеми.
Прекрасниот рајски остров Бали е веројатно најдоброто место каде можете да се дисконектирате од вистинскиот свет, иако овој врвен ресорт всушност постои во сенка на реалноста, во близина на неколку бутици и ресторани и главниот забавен дел на овој остров.
Секој детал во 58-те апартмани на ова одмаралиште е рачно направен и избран, како би бил во склад со старата индонезиска традиција, додека во исто време ги спојува модерните детали со својата опуштена атмосфера. Гостите можат да уживаат во големиот број погодности во ова одмаралиште, како што се органските производи за капење, интернет и приватен бар во секоја соба.
Сепак, ако го посетите ова место, тешко дека ќе поминете многу време во својата соба. Во склоп на ова одмаралиште се наоѓаат две места за јадење и уживање во пијалоците. Исто така, има и две слаткари кои ќе ве изненадат со своите производи. „Katamama“, исто така, има и 24-часовен фитнес центар и простран базен. Сигурни сме дека по завршувањето на вашиот одмор ќе ви биде тешко да се вратите дома…
