Ако мислевте дека на бродовите живеат само луѓе кои не можат да си дозволат вистински дом, се лажете…
Овој британски брод кој служи како станбена резиденција во моментов е паркиран во Лондон. Тој е редизајниран така што сега стана вистинска пловечка палата, која чини 5 милиони евра. Наречен Matrix Island, овој брод содржи врвна модерна кујна, пет спални соби, платформа за џет ски и отворена горна палуба со огромна трамболина и пинг понг, која е идеална исто така и за сончање и неделно уживање.
За разлика од вообичаените резиденцијални чамци, овој брод има гломазна трпезарија и соба за прием на гости, па така е совршен и за луксузна марина покрај Лондонската кула. Трошоците за годишното одржување изнесуваат 24.000 евра, па така овој брод дефинитивно е наменет за луѓе со длабоки џебови.
Дел од ентериорот на овој дом на вода се и фудбалчето и сауната, додека целокупната тема на декор е многу гламурозна и модерна.
