Оваа година дефинитивно го доживеа својот врв…
Во светот на модата се појави т.н. „Грозен празничен џемпер“ кој чини 30.000 долари, а украсен е со, ни помалку ни повеќе, туку 24.274 Сваровски кристали. Модниот бренд кој е одговорен за оваа креација која дефинитивно можеме да ја опишеме како уникатна е Tipsy Elves. Тие некако успеале да направат договор со Сваровски брендот, со цел да го претстават овој џемпер, кој слободно може да ја понесе титулата најскапиот празничен џемпер.
Неколку талентирани луѓе работеле 52 часа со цел рачно да ги нанесат кристалите на џемперот. Со самата модна креација доаѓа и рамка, така што после празничната сезона можете да го изложите во својот дом и да се фалите со ова уникатно парче. Џемперот е направен од премиум волна, а има и задебелени рабови и двојна основа.
А судејќи според се, Дедо мраз го променил возењето, бидејќи на џемперот не се претставени ирваси, туку еднорог. Од брендот велат дека е потребно само да се потрудите да не го извалкате вашиот џемпер во текот на празничната вечера, и ве советуваат да си го осигурате. Значи, покрај 30.000 долари колку што чини овој џемпер, тие предложуваат во истиот да инвестирате дополнители пари…