Компанијата „ARM“ уште еднаш имаше одлично тромесечие. Оваа компанија имаше зголемување на профитот во последните три месеци за 44 проценти, додека приходот беше зголемен за 26 проценти на износ од 209 милиони долари во однос на истиот период од пред една година.
Овој резултат е благодарејќи на продолжувањето на развојот на своите „low-power“ чипови кои ги опфаќаат паметните телефони, таблетите, а дури и дигиталните телевизори. Исто така треба да се истакне дека вкупно 2.6 милијарди базирани чипови се најдоа во споменатите уреди во ова тромесечие, што е зголемување од 35 проценти во однос на 2012-та година.
