27 февруари, 2024
ПочетнаКОМПАНИИTesla oствари добивка за прв пат од 2013-та

Tesla oствари добивка за прв пат од 2013-та

Telsa Motors Opens New "Supercharger" Station In Fremont, California

Американскиот производител на електрични автомобили „Tesla“ го забележа првото тримесечје со добивка. Позитивниот резултат на компанијата за периодот јули-септември е 21,9 милиони долари, а најголема заслуга има Калифорнија, која и позајми 139 милиони долари со т.н. кредити за нулта емисија.

Прометот на „Tesla“ за третата четвртина од годината е 2,3 милијарди долари. Главниот извршен директор Илон Муск уверува дека трендот ќе се задржи и во последниот квартал благодарение на намалените трошоци за производство на „Model S“.

Според повеќето аналитичари тоа е минлив ефект и наскоро компанијата повторно ќе биде на „црвено“. Tesla е секогаш во загуба од 2013-та година, само за минатата година нејзиниот негативен резултат беше 229.9 милиони долари. Предвидувањата на „Barclays“ покажуваат дека проектот на Муск може да почне да носи трајна добивка не порано од 2021-ва година, откако претходно ќе проголта барем уште 11 милијарди долари.

Сепак позитивниот финансиски резултат, дури и да е само за еден квартал, ќе помогне во привлекувањето на нови инвеститори и капитал. Клучот ќе биде дали „Tesla“ ќе успее да ги запази роковите за пазарното деби на следниот автомобил „Model 3“, закажано за крајот на идната година.

НАЈНОВИ ВЕСТИ

ХОРОСКОП