„Malue Cotbota“ има талент за уредување на кујнскиот простор во вашата куќа, исполнувајќи го со светлост која е во совршена рамнотежа со темните и сјајни нијанси.
„Malue Cotbota“ е интернационална компанија за дизајн, која во последните 18 години се занимава со дизајн на енетериерот и има освоено голем број на награди.
Тие не дизајнираат само кујни, туку го дизајнираат секој простор во внатрешноста на објектот. Нивните креации се софистицирани, модерни, шик, многу луксузни, практични и неверојатно препознатливи на прв поглед по својот голем квалитет.
Нивните производи насекаде во светот се препознаени како производи со исклучително висок квалитет, како раскошни и екстра луксузни модели. Нивните креации на кујни се вклопуваат во луксузно уредените домови, но и во традиционално уредените простории.
Повеќето делови од кујната се изработени од најквалитетните парчиња дрво, во повеќе бои. Во голема мера е застапен и италијанскиот мермер со врвен квалитет кој чини вистинско богатство. Ефектите од светлината во различни бои на овие кујни им даваат прекрасен финиш кој го посакувате и кој можете да го доживеете без разлика од кој агол ја набљудувате кујната. Целокупниот дизајн е финиширан со предмети како лампа, вазна, лустери и сл. кои дополнитено ја потенцираат креацијата.
Најчесто застапени бои се белата, кафената, розевата, сината и зелената. Цента на една ваква кујна се движи од 80,000 долари па нагоре.
