„Henderson Global“ и „Janus Capital Group“ објавија спојување, создавајќи компанија за управување со готовински средства во износ од 320 милијарди долари, откако и двете компании се обидуваат да го заживеат растот на активата и профитот, пишува „Bloomberg“.
Спојувањето ќе создаде компанија за управување со готовина, наречена „Janus Henderson Global Investors“ која ќе има вкупна пазарна вредност од околу 6 милијарди долари, соопштија денеска компаниите кои се базирани во Денвер и Лондон. Јапонската осигурителна компанија „Dai-ichi Life Holdings“ има намера да го зголеми својот удел во новата компанија до најмалку 15%, се наведува во соопштението.
Менаџерите, специјализирани во изборот на акции и обврзници, губат пазарен удел за сметка на компаниите со пониски такси во последниве години. Под водство на главниот извршен директор Ричард Вејл, кој се приклучи на „Janus“ во 2010-та година, компанијата се прошири преку превземања, нови берзи предлози и меѓународно проширување, особено во Азија. Во 2014-та година Вејл го ангажираше Бил Грос од „Pacific Investment Management“, за да управува го „Global Unconstrained Bond Fund“, кој контролира 1,4 милијарди долари.
„Ова е трансформирачка комбинација и за двете организации. „Janus“ има силна платформа на американскиот и јапонскиот пазар, која се дополнува со силата на „Henderson“ на британскиот и на европскиот пазар “, вели Вејл во изјавата.
Ендрју Формика, извршен директор на „Henderson“, и Вејл ќе владеат заедно во новата компанија. Договорот ќе донесе заштеда од годишните нето трошоци од најмалку 110 милиони олари, изјавија компаниите.
Се очекува зделката да заврши во вториот квартал на 2017-та година. Новата компанија ќе биде базирана во Британија и планира главната берза за тргување на нејзините акции да биде „New York Stock Exchange“.
„Henderson“, која е основана во 1934-та година и го носи името на својот прв клиент, управува со околу 95 милијарди фунти (122,6 милијарди долари) на 30 јуни. „Janus“ која го носи името на римскиот бог со две лица Јанус, управува речиси 195 милијарди долари. Акционерите на Henderson ќе поседуваат 57% од новата компанија, а оние на Janus – останатите 43%, се наведува во соопштението.
