Германската банка „Commerzbank“ го потврди она за што се шпекулираше веќе неколку недели – дека се соочува со драстични намалувања на работните места. Извршниот директор Мартин Цилке има намера да скрати 7.300 работни места, објави делумно државниот и вклучен во составот на индексот „Dax“.
Во моментот втората по големина германска банка има вкупно 45.000 вработени. Најзасегнати ќе се вработените во администрацијата.
Конечната одлука за мерката се очекува да биде донесена утре. Освен тоа беа предвидени слабите изгледи за профит, па акционерите ќе бидат принудени да се лишат од дивиденди.
Планот за штедење, како и реструктуирањето ќе влијаат на банката како потрошувачка од 1,1 милијарди евра, па банката ќе претпочита да одвои приходи, наместо да плаќа дивиденди.
Според плановите треба да бидат отпуштени 9.600 вработени на полно работно време, но истовремено да бидат назначени новите околу 2.300. Така излегува дека конечно ќе останат 38 илјади вработени од сегашните околу 45.000.
„Commerzbank“, слично на своите конкуренти, се бори со последиците од континуираните ниски камати и засилените прописи. Во првото полугодие добивката падна за над 40% на годишно ниво до 372 милиони евра.
За време на владеењето на претходникот на Цилке, Мартин Блесинг „Commerzbank“ скрати од 2013-та година околу 5.000 работни позиции.
