Фантастичниот стан кој имате прилика да го погледнете на сликите подолу, се наоѓа во Њујорк, поточно во Бруклин.
Овој стан е олицетворение на класичниот гламур во Њујорк, а го карактеризираат високите тавани, големите прозорци кои обезбедуваат доволно светлина, богатото и гламурозно осветлување како и совршено избраните детали.
Дизајнот на овој енетериер има доста елементи од индустрискиот дизајн кој доминира во последните години на архитектонската сцена. Внимателно собраните детали за овој стан го рефлектираат уметничкиот дух на Њујорк.
Кадифеното како ултимативен тренд оваа сезона доминира во дневната соба во која централниот мебел е секако тренди кадифениот металик сив тросед.
Комбинацијата од ретро кожни столчиња со чупави потпирачи од крзно, како и мноштвото ексцентрични ламби и слики кои ги красат ѕидовите на овој ентериер, дава посебен печат на овој простор.