Спојот на американскиот дух и швајцарската прецизност за прв пат пристигна во Македонија, ексклузивно во Божиновски часовници и накит преку брендот за часовници Hamilton.
Уште од своето создавање во 1892 година, Hamilton е вистински пионер на иновативниот дизајн и техничката прецизност. Благодарение на беспрекорниот изглед на часовниците, Hamilton веќе шест децении е во блиска соработка со познати холивудски режисери и костимографи, појавувајќи се во повеќе од 300 блокбастери. Како врвен креатор на софистицирани инструменти за мерење на време, Hamilton во секој свој часовник внесува прецизност на техничките и стилските детали.
Божиновски часовници и накит претставува шест колекции на Hamilton создадени врз американското наследство на брендот, кое обединува модерен изглед и швајцарска технологија.
AMERICAN CLASSIC –колекција која во себе ги носи корените на брендот.
JAZZMASTER –хармонична колекција со извонредна комбинација на иновативност и мода.
BROADWAY –урбана и спортска колекција која со својот метрополитски дизајн го одразува американскиот дух на брендот.
KHAKI FIELD –колекција која со својата солидна конструкција и елегантен дизајн го пренесува духот на оригиналните војнички часовници произведени од Hamilton во 40-тите години.
KHAKI AVIATION –колекција која нуди класичен авијатичарски стил и функции прилагодени за потребите на еден пилот.
KHAKI NAVY –колекција која е совршен партнер за сите водени спортови и активности.
Колекциите се достапни во продажниот салон на Божиновски на ул. Македонија 29, во Скопје.
