Најголемата швајцарска банка „UBS“ останува најголемата приватна банка во светот во 2015-та година, покажува истражувањето на консултантската компанија за управување со средства „Scorpio Partnership“, објави „Ројтерс“.
Со средства под управување во вредност од 1,737 илјади милијарди долари „UBS“ го задржува првото место, победувајќи ја со речиси 300 милијарди долари американската банка „Merrill Lynch“, која од своја страна ја смени „Morgan Stanley“ од втората позиција.
Во исто време средствата под управување на швајцарската банка се намалуваат со 1% од минатата година, додека оние на „Merrill Lynch“ се намалија со 2 отсто, а на „Morgan Stanley“ се намалуваат за 2,8%.
Одложувањето на пазарите во развој, зголемената нестабилност и колебливите клиенти доведоа до пад на средствата под управување со 1% во целиот сектор, покажува истражувањето. Нето новите средства, но важен индикатор за идните добивки, се намалуваат за 6,9% во целиот сектор.
За 25-те најголеми претставници во индустријата падот на средствата под управување е поголем, иако тие успеваат да ја зголемат нето вредноста на новите средства за една третина.
„На крајот, лидерите на пазарот се фокусирале агресивно врз подобрување на својата профитабилност во оперативните модели, за да се спротивставата на „бурата“ што е можно подобро“, објасни Себастијан Довеи, управен партнер на „Scorpio“.
Втората најголема швајцарска банка „Credit Suisse“ во рангирањето по „Morgan Stanley“, забележа 7,2% пад на средствата под управување до 687,3 милијарди долари.
Со помалку од половина од управуваните средства од „Morgan Stanley“, „Credit Suisse“ ќе треба да додаде 750 милијарди долари кон средствата, за да влезе меѓу првите три во приватното банкарство.
Банката го префрли фокусот на ресурси од инвестициското банкарство кон управувањето на богатство во обид да ги намали трошоците и да ги зголеми приходите, преземајќи помал ризик.
