Компанијата „Apple“ се согласи да исплати 53 милиони долари на своите корисници како основа за тужбата за која компанијата се обвинува дека не постапила задоволително со гаранциите за „iPhone“ и „iPod Touch“ уредите. Па така на десетина илјади корисници на производите на „Apple“ ќе им бидат исплатени пари, откако претходно било одбиено нивното барање за поправка или замена на хардверот на нивните уреди, иако тие се уште биле под гаранција. Инаку станува збор за индикаторите „white tape“ кои се вградени во „iPhone“ и „iPod Touch“, а служат за мерење на ефектот на оштетување на уредите при контакт со вода.
Првично „Apple“ ја одбиваше гаранацијата, иако индикаторот ја имал променето бојата во розева или црвена (што значи дека дошло до оштетување поради присуство на вода), додека производителот на индикаторите компанијата 3М тврдела дека до промена на бојата доаѓа и поради влажноста на воздухот. Уредите кои се опфатени во оваа оштета се „iPhone“, „iPhone 3G“, „iPhone 3GS“, како и првата, втората и третата генерација на „iPod Touch“ уредите. Очекуваната просечна исплата по корисник би требало да биде околу 200 долари.
