Сместен на живописен приватен остров од 300 хектари, северно од Антигва, прекрасниот „Jumby Bay Resort“ е опкружен со зеленило и кристално чистите води на Карибите…
Ова луксузно одморалиште има 40 привлечни апартмани и 12 вили, кои се распространети на целиот приватен остров. Осмоаголните колиби имаат балкони со прекрасен и простран поглед, додека апартманите завртени кон дворовите можат да се пофалат со заоблени плафони и прекрасни џакузи бањи на отворено.
Доколку ви стане досадно изнајмете го Caloi велосипедот и истражете ја ретката флора на овој остров. Исто така, можете да пливате и уживате на една од трите плажи со бел песок. Гостите исто така ќе уживаат и во 25 метри долгиот базен со свежа вода совршен за утринско пливање, како и бројни други забавни активности, како што се нуркањето, едрењето, крстарењето и сл.
Овој резорт функционира по принципот аll-inclusive. Ќе имате прилика да уживате во Estate House, односно старата куќа на плантажа каде се сервираат појадокот и ручекот, а Beach Bar е место каде можете да уживате во разните видови на коктели.
