Компанијата „PetroChina“, најголемиот кинески производител на нафта и гас, пријави 70-процентен пад на нето профитот во 2015 година, што е во согласност со претходните смерници.
Како и кај повеќето други нафтени компании, профитот на „PetroChina“ беше погоден од падот на цената на нафтата во изминатата година.
Нето добивката на кинеската државна компанија во изминатата година изнесувала 35,51 милијарди јунаи (5,46 милијарди долари), што е значително пониско во однос на профитот од 107,17 милијарди јуани од 2014 година, се наведува во соопштението на компанијата, која е еден од најголемите нафтени компании во светот.
Со седиште во Пекинг, оваа компанија е подружница на државната компанија „China National Petroleum Corporation-CNPC“.
Претходно оваа година „PetroChina“ предупреди дека ќе регистрира пад на годишниот нето пофит.
