Компанијата „Forza Supplements“ ги анализираше податоците од лицата кои драстично ослабеле со цел да истражи во кој период од денот треба да појадувате, кога треба да ручате и вечерате доколку сакате брзо и ефикасно да ослабите…
Компанијата, која ги анализираше податоците за лицата кои исклучително брзо ослабеле, открива дека тие освен што внимавале што внесуваат во организмот, исто така, воделе сметка и за тоа во колку саат јадат.
Врз основа на ова истражување откриено е дека најдоброто време за појадок е околу 7 часот наутро, ручекот се препорачува меѓу 12 и 30 и 13 часот, а вечерата меѓу 18 и 18 и 30.
Три четвртини од лицата кои учествувале во ова истражување изјавиле дека при слабеењето им помогнало тоа што имале лесен ручек, а меѓуоброкот не го избегнувале.
Истражувањето покажа дека најкритичните часови за диетата се меѓу 18 и 22 часот, кога е најтешко да издржите без храна и лицата кои биле на диета во овој период од денот најтешко им одолевале на искушенијата.
Ова истражување всушност ја потврдува изреката: појадокот изедете го сами, ручекот поделете го со пријателите, а вечерата подарете му ја непријателот.
Всушност, решението не е во избегнувањето на вечерата, туку во тоа да ја изедете минимум три часа пред да си легнете, а доколку можете и порано.
