Пред точно 40 години бил воспоставен првиот телефонски повик по пат на мобилен. На 3-ти март 1973-та година Мартин Купер од Моторола пред новинарите го повикал Џоел Енгел во Бел Лабс.
Прототипот на мобилниот бил тежок повеќе од килограм, бил долг 9 инчи, висок пет, а широк 1.75 инчи. Со него можело да се разговара полни 30 минути, а му било потребно 10 часа повторно да се наполни. Тоа бил клучниот момент во развојот на мобилната телефонија, а особено затоа што Џон Мичел, шефот на Мартин Купер, ги натерал сите во Моторола да прават помали и попрактични уреди кои би можеле да се користат било каде.
И пред овој уред постоеле преносни телефонски уреди, но биле со големина на актовка и се користеле само во автомобилите. Но може да се каже дека наведениот уред на Моторола е првиот мобилен телефон во онаа смисла во која денеска ние ги знаеме и ги користиме.