„Toshiba“ го зголемува фокусот на бизнис ориентирани лаптопи со три нови модели. Тие имаат зголемено ниво на безбедност и ги користат најновите процесори од шестата генерација „Core vPro“ на „Intel“.
Моделите се „Portеgе A30-C“ со 13,3-инчен екран, „Tecra A40-C“ со 14-инчен панел и „Tecra A50-C“ со 15,6-инчен дисплеј. И трите лаптопи можат да бидат опремени со сензор за отпечатоци, читач на смарт картички, „TPM“ за чување на клучеви за шифрирана информации и друго.
Уредите користат процесори „Core vPro“ на „Intel“ од шестата генерација со опција за користење на технологијата „Intel AMT“ за далечинско управување на компјутерот од системскиот администратор. На располагање е и дополнителна заштита на „Toshiba“, која може да спречи вклучување на лаптопот, во случај системот да детектира обид за неовластен пристап.
Лаптопите имаат заштита при испуштање на земјата и истурање на течности врз нив. ОД компанијата ветуваат дека во случај на хардверски дефект во рамките на првата година лаптопот ќе биде поправен бесплатно, а нејзиниот сопственик ќе ја добие назад целосната сума која ја платил при купувањето на соодветниот уред.
И трите модели ќе можат да се опремат со „LTE“ модул, имаат модули „Intel Dual Band Wireless-AC 8260“, како и три „USB“ порти, „HDMI“ порт, „LAN“, читач на мемориски картички и друго. „Portege A30-C“ ќе може да се нарача и со екран на допир. За чување на податоци има избор од 1TB HDD или 256GB SSD. „Toshiba“ тврди дека и трите лаптопи ќе издржат до 8 часа на батеријата во зависност од оптеретувањето.
