Газпром извести во петокот дека украинскиот Антимонополен совет (АМКУ) донел одлука парично да ја казни руската компанија поради злоупотреба на монополот во снабдувањето на Украина со природен гас.
АМКУ му изрече казна на Газпром од 3,4 милијарди долари, обвинувајќи го за злоупотреба на монополот на пазарот на транспорт на природен гас во Украина.
Обвинувањето е зачудувачко со оглед дека Газпром не врши претприемничка дејност во Украина туку гасот и го предава на украинската компанија Нафтогаз на западната граница со Русија, се вели во соопштението на руската компанија.
„Ваквото решение на АМКУ не може поинаку да се протолкува од обид за притисок на Газпром“, сметаат од руската компанија и најавуваа дека своите права и интереси ќе ги штитат со сите расположиви правни средства.
