Кавали креираше специјана луксузна серија на велигденски јајца од чоколада…
Оваа креација направена од чоколадо, со потпис на светски познатиот креатор ќе ги предизвика богатите клиенти да ја купат и да си го дозволат ова задоволство.
Секое јајце е направено од висококвалитетни зрна од какао, чиста 60 % темна чоколада и деликатна бела чоколада. Направени се три видови, бела зебра, жирафа и темна зебра. Во секое јајце, во внатрешноста се наоѓа мало изненадување за љубителите на луксузот. Едно јајце тежи 140 грама, а неговата цена изнесува 49 евра за парче.
Кавали за неговата креација вели дека таа е совршен поклон за оние кои тоа можат да си го дозволат за велигденските празници. Оние кои го сакаат и ценат луксузот со задоволство ќе сакаат да поседуваат дел од оваа колекција.
