Во следните неколку дена ќе стартува првиот саем во оваа година за потрошувачка електроника во Лас Вегас – „Consumer Electronics Show“.
На саемот јужнокорејскиот производител на електроника, „LG“, се очекува да претстави прототип на 18-инчен дисплеј кој може да се навитка како лист хартија. Екранот ги претставува идните „OLED“-дисплеи, развиени од компанијата, кои се склопуваат и се очекува уште поактивно да почнат да влегуваат во нашиот секојдневен живот.
Од „LG“ ќе презентираат докази за постоењето на таква технологија во изминатата година, но далеку од погледите на пошироката заедница.
Овој концепт на дисплеи беше приоритет и на други компании како „Sony“, „Samsung“, „Sharp“ и други.
Јужнокорејскиот производител планира да покаже уште нов 55-инчен телевизор со „дебелина на хартија“, како и 25-инчен заоблен дисплеј, инсталиран во возило.
