Милијардерот Елон Маск во моментов гради фабрика за неговата компанија “Тесла Моторс”, која ќе биде по обем втора најголема градба во светот.
Фабриката Тесла која се гради во Невада вреди околу пет милијарди долари, и би требало да се заврши до 2020 година, а кога ќе биде готова ќе зазема површина три пати поголема од познатиот “Централ Парк” во Њујорк, кој лежи на 3,4 квадратни километри.
Со ова, како што медиумите ја нарекуваат “Gigafactory” ќе биде втора најголема градба во светот, одма после фабриката за авиони “Boeing Everett”, во државата Вашингтон.
Тесла е веќе познат по своите електрични автомобили, а сопственикот на компанијата, милијардерот Елон Маск се обидува својата визија во “светот на батериите” да ја спроведе во пракса.
Според проценките на експертите, кога “Gigafactory” ќе започне со работа, трошоците за батерии во светот би можела дури и да се преполови.