Со повеќе од 279 хектари површина, ова е веројатно најекстравагантниот имот во Полска…
Се наоѓа во срцето на националниот парк, на 25 километри од Познан и има своја авионска писта и хелиодром. Овој имот е всушност Sowiniec Polo Club, односно еден од најдобро опремените поло клубови во овој дел на Европа, со терени и арени, ливади и прекрасен простор покрај река. Во склоп на овој имот се наоѓа и приватна марина, која на идниот сопственик ќе му даде можност за уживање во разновидните луксузи.
Имотот поседува и штали со место за 60 коњи, затворена арена за јавање, отворена арена за јавање со осветлување, патека за тренинг и два поло терени во реална големина. Тука е и шармантната куќа за гости.
Овде постои нешто што е далеку поимпресивно од самиот поло клуб и тоа е дефинитивно Sowiniec вилата. Оваа богато декорирана вила има 3.246 квадратни метри простор и четири ката, вклучувајќи и 14 спални соби и девет прекрасно опремени апартмани, со приватни бањи, сместени на првиот и вториот кат.
Во приземјето на оваа вила се наоѓа огромната балска сала, со рачно насликани тавани и големи кристални лустери, како и што се очекува од ваков имот. Тука е и библиотеката и ложата за љубителите на цигари, трпезаријата како и целосно опремената кујна. Вилата поседува и работна просторија, главно лоби со мермерен под и затворен базен.