Бидејќи се ближиме кон крајот на уште една луксузна година, ви ја претставуваме листата со десетте најскапи нешта во 2015 година, односно десетте најлуксузни нешта кои ја одбележаа оваа година.
Најскап автомобил – Koenigsegg CCXR Trevita
Опишан како дијамант на тркала поради телото од јаглеродни влакна преплетени со дијаманти, овој супер автомобил е и супер редок примерок – постојат само три во светот и чини 4,8 милиони долари.
Најскап часовник – Chopard 201 Carat
Комбинација од дијаманти во разни бои која чини 25 милиони долари.
Најскапото чоколадо – To’ak
Најпрефинетото и најскапо чоколадо доаѓа од Еквадор, 50 грама од ова чоколадо ќе ве чинат 260 долари, а дури и да имате пари потребна ви е и среќа да го пробате, бидејќи досега само 547 лица уживале во ова задоволство. Тоа е специфично запакувано и можете да го консумирате со прибор специјално наменет за него.
Најскапиот скапоцен камен – дијамантот Blue
Овој дијамант со 12,03 карати е сместен на прстен, а колекционерот од Хонг Конг за него платил 48,5 милиони долари.
Најскапата слика – сликата на Пикасо Les Femmes d’Alger
Таа е продадена на аукција во Лондон по цена од 179,3 милиони долари.
Најскапата торба – Mouawad 1001 Night Diamond Purse
Најскапата торба има облик на срце и декорација од 4.517 дијаманти, нејзината цена изнесува 3.8 милиони долари.
Најскапите чевли – Ruby Slippers – Harry Winston
Овие црвени чевли се декорирани со 4,600 рубини и 50 карати дијаманти, нивната цена е 3 милиони долари.
Најскапата вила – Palazzo di amore
Оваа вила е исполнета со луксуз, а нејзината цена е 195 милиони долари.
Најскапото вино – Domaine de la Romanee – Conti Grand Cru
Цената на едно шише од ова вино се движи од 13.055 долари па се до 40.000 долари
Најскапиот празничен украс – Tree Star by 77 diamonds
Оваа украсна ѕвезда за вашата елка чини речиси еден милион долари, а неа ја красат 281 дијамант. Може да се носи и како ѓердан кога ќе поминат празниците.
