Се погласни стануваат гласините дека американскиот производител на безалкохолни пијалоци планира претставување на евтин смартфон.
Тој се очекува да биде претставен во Кина на 20-ти октомври.
Уредот се очекува да е со 5.5-инчен дисплеј со резолуција од 1080 пиксели, осумјадрен процесор „MT6592“ од „MediaTek“ и 2 GB RAM меморија. Неговата задна камера најверојатно ќе има 13 мегапиксели, а предната ќе биде 5 мегапикселна.
Внатрешната меморија на уредот се очекува да е 16 GB, а батеријата со капацитет од 3.000 mAh.
Овој смартфон ќе го носи името „Pepsi P1“ и ќе го користи оперативниот систем „Android 5.1 OS“.
Во однос на цената шпекулациите се дека смартфонот ќе се нуди за сума од 1.299 јуани (205 долари).
