Авиокомпанијата Norwegian Air планира во својата понуда да воведе директни летови од Европа во САД по цена од 69 американски долари и тоа до 2017 година.
Директорот на компанијата Бјорн Кјос објасни дека таа опција би можела да функционира кога авионите би полетувале од аеродромите во САД и Европа кои би имале ниски надоместоци, како аеродромите Винчестер Каунти или меѓународниот аеродром Бредли во САД.
Според актуелните планови, летовите би се одвивале на релација САД-Единбург или Берген во Норвешка, а во моментот за летови на такви релации цените се движат околу 300 долари.
Компанијата за овие потреби веќе нарачала 100 авиона „Boeing 737“, а првите би требало да пристигнат во 2017 година.