„Kia“ на неодамна завршениот саем во Франкфурт покрај стандардната „Optimа“ ја прикажа и „GT“ верзија на оваа лимузина од средна класа, чие доаѓање на европскиот пазар се очекува во 2016-та година. „Optima“ така станува вториот „GT“ модел на „Kiа“, по целото семејство возила „Cee’d/Pro_cee’d GT“ кои во Европа беа претставени во 2013-та година.
На штандот на „Kiа“ во Франкфурт беше претставен претпродукцискиот прототип кој веќе е подготвен за производство.
За споредба со стандардната „Optimа“, „GT“ верзијата визуелно се разликува по дизајнот на браникот, бандажите, задниот дифузор и двете издувни цевки, како и по аеродинамичките додатоци на праговите.
Од „Kiа“ објаснуваат дека внатрешноста на овој модели се темели на квалитетни материјали, кои се достапни и во стандардната верзија, но со детели кои возачите не ги ставаат да се сомневаат околу спортскиот карактер на возилото.
Новиот „Optima GT“ настана како плод на соработката на истражувачко-развојниот центар на „Kiа“ во корејскиот Намјанг и германскиот Риселхајм, со цел да одговара на барањата на европските возачи.
Автомобилот може да се пофали и со специјална, спортска суспензија ( меѓу останатото опремена со електронска контрола на системот за потпирање) со ублажување на ударите на секое тркало посебно.
„Optima GT“ е опремена со поголеми сопирачки дискови и доработена везија на новиот серво волан на „Kiа“ кој е достапен во стандардната верзија.
За погон е избран 2.0-литарски „T-GDI“ турбо бензински мотор.
Техничките детали ќе бидат соопштени непосредно пред доаѓањето на европскиот пазар, кој е планиран за 2016-та.
Познато е дека мотор со иста зафатнина кој е вграден во прототипот од Франкфурт развива 245 ks (180 kW) при 6.000 вртежи и дека располага со најголем вртежен момент од 353 Nm, во опсег од 1.350-4.000 o/min.
Тоа е доволно „Optima GT“ oд 0 дo 100 km/h да забрза за 7,4 секунди и да достигне 240 km/h.
Со оглед дека станува збор за автомобил кој е подготвен за сериско производство, слични перформанси треба да се очекуваат и во продукцискиот модел.