Форум со работодавачи, на кој ќе бидат презентирани активните мерки и програми за вработување годинава, ќе го одржи денес Сојузот на стопански комори на Македонија (ССК).
Форумот е во соработка со Министерството за труд и социјална политика на Република Македонија (МТСП), Агенцијата за вработување на Република Македонија (АВРМ), Центрите за вработување и Националниот совет за претприемништво и конкурентност.
Во рамки на форумот ќе се обрати претседателот на Сојуз на стопански комори на Македонија (ССК) Данела Арсовска, министерот за труд и социјална политика, Диме Спасов, како и директорот на Агенцијата за вработување на Република Македонија Влатко Поповски.
Форумот е од особена важност и е организиран на барање на компаниите членови на ССК, во насока на информирање за најновите активности и бенефиции од користењето на мерките и програмите за вработување годинава.