Доколку чувствувате напор или сте заситени од работата, променете го своето секојдневие. Разбистрете го умот со некоја омилена песна, најдете начин нешто да промените, сретнете се со лица кои ви се драги а поради обврските сте ги запоставиле, учете нешто ново, научете да се забавувате…
Најдобро е да и се посветите на некоја ваша одлична вештина, односно нешто што ве прави среќни. Обидете се да го исправите тоа што ве загрижува, ви создава немир и ве прави несреќни, активирајте се во поинаква насока.
Еден од советите е да се запишете на некој курс, да речеме курс за странски јазици или за компјутери, доколку одлично ги владеете јазиците, тогаш побарајте си ја среќата во некој курс за лидери, менаџмент и сл, а доколку навистина размислувате за промена на работата, проширете ја веста најпрво меѓу вашите пријатели и познаници кои можат да ви помогнат околу тоа.
Доколу сте мрзеливи или имате помалку концентрација на работа, дури и мали промени можат да ви помогнат да го надминете тоа.
Започнете со здрав доручек и лесни вежби. Разбистрете ги мислите, излезете на чист воздух или пуштете си ја омилената песна за време на паузата.
Повторувањето дека сте незадоволни нема да ви помогне.
Ако нон-стоп се жалите дека сте незадоволни, заситени од работата, може да ви биде само полошо. Најважно е да го промените негативниот став кој го имате во позитивен, така што ќе се концентрирате барем на неколку добри страни на вашата работа и со тоа барем за почеток ќе ја пребродите монотонијата.
