Американскиот технолошки гигант „Apple“ има во план да го доведе „Apple Pay“ на Блискиот исток, во Индија и Африка, но пред да пристигне на споменатите пазари, оваа услуга најпрво ќе пристигне во Европа.
„Apple“ своите европски планови ги откри случајно, или барем така е прикажано, објавувајќи „online“ оглас во кој бара приправник кој ќе биде стациониран во Лондон.
Приправникот би бил член на новиот „Apple Pay“ тим чија задача ќе биде да се донесе овој начин на плаќања на споменатите пазари.
Бидејќи „Samsung“, најголемиот ривал на „Apple“, исто така работи на свој систем за мобилно плаќање, ќе биде интересно да се види кој од овие два гиганти ќе владее на европскиот пазар.
