Англиските медиуми упорно тврдат дека Ариен Робен е многу блиску до трансфер во Манчестер Јунајтед.
Холандското крило е дел од германскиот гигант Баерн Минхен, но неговите најдобри односи со Луис Ван Гал и Робин Ван Перси, требало да бидат решавачки за неговото преминување на стадионот „Олд Трафорд“.
„Дејли експрес“ дури стигнува подалеку во своите сомневања, тврдејќи дека „црвените ѓаволи“ ќе испратат понуда за Холанѓанецот уште оваа зима. Таа ќе биде во износ од сериозните 30 милиони евра, која сигурно би го ставило во сериозни размислувања целото раководство на Баерн Минхен.
Ситуацијата во Англија нема да биде непозната за „стаклениот булдожер“, кој помина цели три години во лондонскиот Челзи. Со тимот на „сините“, тој одигра 67 натпревари во кои реализира 15 погодоци.
