Шефот на германската дипломатија Франк Валтер Штајнмаер предупреди на опасноста од заострувањето на економските санкции кон Русија.
Штајнмаер наведе дека не би требало целта да биде Русија економски да се „стави на колена“, пренесуваат германските медиуми.
„Дали нашата замисла и нашта цел би требало да биде Русија економски да се собори на подот? Мојот недвосмислен одговор е „Не“. Не, тоа не е и не смее да биде смислата на санкциите“, изјави Штајнмаер.
Тој предупреди дека една економски уништена Русија неможе да го даде својот придонес за европската безбедност.
„Ние мораме да бидеме свесни дека една уништена Русија, која економски можеби е пред колапс, не може да придонесе за европската сигурност ниту за стабилизацијата на Украина, туку таа може да биде голема опасност сама за себе, но и за другите“, појасни тој.