Тренерот на Реал Мадрид, Карло Анчелоти наскоро ќе потпише нов договор со клубот. Двете страни веќе постигнале договор за времетраењето на истиот, а тој ќе е минимум до 2017-та година.
Претстои да бидат допрецизирани исклучиво финансиските детали, но не се очекува околу нив да се појават несогласувања. Желбата на раководството на Реал е новиот договор на Анчелоти да биде објавен уште пред крајот на годината.
Во наредните денови претстои нова средба меѓу Италијанецот и претседателот на кралскиот клуб Флорентино Перез.
Анчелоти застана на чело на „кралевите“ во 2013-та година, откога го замени Жозе Мурињо. Уште во првата сезона на чело на тимот, тој успеа да ја освои толку посакуваната „Ла Децима“, десеттата титула на Реал во Лигата на шампионите, а освен тоа го освои и Купот на кралот, по победата во финалето над Барселона.
