Германскиот гигант Баерн Минхен го исплати целосно стадионот „Алијанц Арена“. Трошоците беа во износ од 346 милиони евра.
Поинтересно во случајот е дека клубот ќе може веќе да одвои повеќе средства за првиот тим и академијата. Отплатата на долгот се реализираше 16 години порано од планираното.
Информациите ги потврди лично претседателот на Надзорниот одбор на „баварците“, Карл-Хајнц Румениге пред саботниот дуел со Хофенхајм.
Првиот темел за новиот дом на Баерн, кој пред тоа како домаќин го користеше Олимпискиот стадион во Минхен, беше направен на 21-ви октомври 2002-ра година. На 30-ти мај 2005-та „Алијанц Арена“ ги отвори вратите.
Тогаш капацитетот беше 66.000, додека денес на натпреварите од домашното првенство на трибините се сместуваат 75.024 гледачи, додека во Европа максимумот на навивачите е 69.344.