„Audi“ одбележува две децении од претставувањето на првата генерација на „А4“ во празнична атмосфера. За тоа имаат и добра причина со оглед дека „А4“ со 6 милиони продадени примероци е најуспешниот модел на „Audi“ на сите времиња.
За германскиот производител во овој момент може да е уште поважно, што од тие шест милиони примероци на „Audi A4“, една третина (2 милиони возила) се испорачани во време на актуелната, четврта генерација.
За таквиот резултат компанијата пред се треба да биде благодарна на купувачите во Кина, САД и Германија, каде интересот за „Audi A4“ е најголем.
„Кога во 1994-та година го замени „Audi 80“, „A4“ многу бргу стана наш најпродаван модел. Тоа беше возило со најбрз раст во продажбата во историјата на компанијата“, објаснува членот на управниот одбор на „Audi“, Хуберт Валтл.
Актуелната, четврта генерација е претставена во 2007-ма, а редизајнирана е во 2012-та. По седум години, „Audi“ е при крај со работата на новиот модел кој ќе се појави во 2015-та.
Во фабриката на компанијата во Инглоштад ги вршат неопходните подобрувања и подготовки за почетокот на производството на петата генерација, а од „Audi“ велат дека за потребите на производството на новиот модел исталирани се повеќе од 1.300 нови машини и алати.