Некои од големите производители на автомобили сакаат да припојат и производители на мотоцикли, а со тоа да го прошират своето портфолио. Доколку тоа се покаже како точно, значи дека ќе биде применет рецептот на групацијата „VW“ која го приклучи „Ducati“ кон „Audi“.
Судејќи според гласините кои доаѓаат од Италија, „Fiat Chrysler Automobiles“ ја разгледува можноста за купување на „Piaggiо“, што би вклучило и дополнителни марки – „Aprilia“, „Moto Guzzi“ и „Vespa“. Иако автомобилската компанија ги негираше гласините, целата приказна не е „луда“. Со оглед дека „BMW“ е познат и по автомобилите и по мотоциклите, па на тој начин „Fiat“ би и парирал на баварската компанија, што би било добро за имиџ.
Тоа не е се. „Daimler“ сериозно се интересира за „MV Agustа“, италијански бренд кој имаше бројни успони и падови во последните децении. Меѓутоа, доколку стане дел од „Mercedes“, работите може многу да се подобрат.
Тука е и „Mahindra“, која веќе подолго време го посакува „Peugeot Motorcycles“, познат по производството на квалитетни скутери. „Peugeot Motorcycles“ работи со загуба под матичната компанија во последнава деценија, па така и оваа аквизиција би можела да се оствари.
