Француските патишта се полни со прекрасни замоци во кои некогаш живееле аристократите…
Имотот кој ви го претставуваме овој пат, магијата од Франција ја носи во Колорадо. Со локација во Аспен, место кое е познато како омилена дестинација на бројниот џет-сет, оваа вила со површина од 1.500 метри квадратни е дело на Роберт Штерн и Џо Занина. Изградена е во 1994 година, а содржи пет спални соби, како и осум бањи.
Нејзините потполно опремени ентериери претставуваат врвни луксузни погодности, кои го одбележија 21-от век. Вилата содржи неколку камини, гурманска кујна со одвоен простор за ужина и појадок, библиотека, соба за билјард, џакузи, сауна, спа и теретана. Дел од оваа вила е и затворениот базен, наменет за оние кои сакаат да пливаат дури и во зима.
Покрај нејзините прекрасни ентериери, како дел од овој престижен имот се наоѓа и теренот за ракетбол, како и гаража за три автомобили. Оваа луксузна вила моментално е на продажба по цена од 17.500.000 долари.
