Трговскиот спор со Русија поради кризата во Украина ќе биде болен за Германија и погубен за руската економија, соопшти денес германското трговско Здружение BGA.
„ Генерално, ние сме оптимисти во поглед на работењето во странство во поголемиот дел од светот. За жал, тоа не е случај со работењето со Русија“, се наведува во извештајот.
BGA наведува дека очекува раст на германскиот извоз за три проценти оваа година и зголемување на увозот за два проценти, со напомена дека овие прогнози може да бидат само „бројки на хартија“ во случај на дополнителна ескалација на кризата во Крим, со што голема штета ќе биде нанесена и на двете економии.
