Шпанското министерство за труд објави денес дека бројот на регистрирани невработени лица се намалил во мај за нешто помалку од 100.000 лица, откако работодавците започнаа да го зголемуваат вработувањето на нови лица во подготовките за летната туристичка сезона.
Министерството во својот извештај соопшти дека во мај, вкупниот број на регистрирани невработени граѓани изнесувал 4,89 милиони.
Стапката на невработеност ја пресметува Заводот за статистика, на квартална основа. Во првиот квартал невработеноста во Шпанија изнесуваше рекордни 27,2 проценти.
Шпанија е во рецесија веќе четири години, а нејзината економија се бори да го надмине колапсот во секторот на недвижнините.
