„Hyundai“ ја претстави новата генерација на својот кросовер „Santa Fe“. Корејците ја покажаа верзија за домашниот пазар, а таа за Европа ќе дебитира за време на автосаемот во Женева.
Моделот добил нов дизајн кој е целосно во стилот на последните автомобили на марката. Големата новина кај кросоверот е 8-степениот автоматски менувач, кој го заменува досегашниот 6-брзински менувач.
Димензиите на теренецот се должина од 4770 мм, ширина од 1890 мм, висина од 1680 мм и растојание помеѓу двете оски од 2765 мм. Па „Santa Fe“ е за 80 мм подолг и 10 мм поширок од неговиот претходник. Висината е иста, но меѓуоскиното растојание е 65 мм подолго.
Во конструкцијата на возилото е користена повеќе висококвалитетен челик, па цврстината на каросеријата е зголемена за 15%. Коефициентот на аеродинамичен отпор е намален од 0,34 до 0,337.
Новиот „Santa Fe“ ќе се предлага со 2,0-литарски бензински мотор со моќност од 235 КС, како и со два дизели – 2.0-литарски кој развива 186 КС и 2,2-литарски со 202 КС. Кросоверот е достапен со погон на предните тркала и погон на четири тркала.
Во опременоста на возилото влегуваат систем за предупредување од директен судир, функција за останување од лентата на движење, асистент при паркирање во рикверц, системот од камери за кружен надзор, автоматска контрола за долго светло, функција за контрола на состојбата на возачот и функцијата „Rear Occident Alert“ предупредувајќи за децата заборавени на задните седишта.
Кросовер добил уште проекциски дисплеј, адаптивен круз-контрол, мултимедијален комплекс со програма „Sound Hound“, распрскувачка музика во кабината, систем за менување на поставките на контролната електроника со режимите „Eco“, „Comfort“, „Sport“ и „Smart“.
