Чешката автомобилска компанија откри детали за луксузната верзија на нејзиниот кросовер „Skoda Kodiaq“. Таа ќе се нарекува „Laurin & Klement“, во чест на основачите на брендот. Дебито на ова возило ќе биде на Саемот за автомобили во Женева во март.
Забележано е дека засега цената на автомобилот се чува во тајност. Сепак, според непотврдени информации, корисниците во Западна Европа ќе платат 37.000 евра за основниот модел. На „Стариот континент“, кросоверот се очекува во летото 2018-та година.
Автомобилот е опремен со хромирана решетка за ладилникот, а куќиштата на надворешните ретровизори се во бојата на каросеријата. Задниот браник е променет. Бандажите се 19-инчни од лесен алуминиумски материјал.
Во кабината, вреди да се нагласат спортските седишта обложени со природна и синтетичка кожа, апликации за пијано лак. Во листата на карактеристики, кросовер добил круз-контрола, помош при следење на лентата и автоматски паркинг.
Што се однесува до моторите на „Skoda Kodiaq L & K“ се достапни 1.5-литарски „TSI“ бензинец од 150 КС и 2.0-литарски „TSI“ со 190 КС. Постојат две верзии на дволитарскиот „TDI“ со иста моќ како бензинските. Моторите се споени со седумстепен „DSG“ менувач.
Погонот со четири тркала е достапен како стандард за најмоќните верзии на моторот и е достапен како опција за другите.
