Едно од најочекуваните ИПО-а во Кина следната година може да е музика за ушите на инвеститорите во „Tencent Holdings“ поради потенцијалот да ја намали бучавата, која „Spotify“ и „Apple Music“ сакаат да ја соберат околу себе на кинескиот пазар, пишува во својата анализа „Bloomberg“.
Стримингот и преземањето на услуга „Tencent Music“ се очекува да собере најмалку 1 милијарда долари и се проценува на 10 милијарди долари, велат извори запознаени со ова прашање.
Всушност, „Tencent Music“ веќе има двојно повеќе претплатници од „Spotify“.
Најголемата азиска интернет компанија сака да заработува од продажбата на дигитална музика во Кина, а тие очекуваат да се зголемат за 88% во рок од четири години според „PricewaterhouseCoopers“.
„Apple Music“ дебитираше во 2015-та година, но сепак повеќето смартфони купени во Кина го користат „Android“ оперативниот систем. „Spotify“ уште не ги бјави планови за проширување на тој пазар.
„Tencent“, исто така, има уште една предност – нејзиниот огромен бизнис. Музичката продажба и стримингот може да имаат корист од други единици, како апликацијата за разговор „WeChat“, од веб страната за видео стриминг, од апликацијата за караоке и од лиценцните договори со повеќе од 200 меѓународни и локални издавачки куќи.
„„Tencent Music“ доминира во Кина“, изјави Ли Џуџи, аналитичар во истражувачкиот институт „RHB“ во Хонг Конг. „Ќе има смисол за компанијата да ја одвои единицата, да дозволи да создаде стратешки партнерства и да донесе повеќе вредност за инвеститорите. Ова може да биде една од најочекуваните ИПО-а во следната година“, додаде тој.
Услугата нуди повеќе од 17 милиони песни на 700 милиони активни корисници месечно, вели Енди Нгу, потпретседател на „Tencent Music“. Околу 120 милиони луѓе плаќаат за проследување или купување на музика, додека „Spotify“ може да се пофали со 60 милиони претплатници кои плаќаат.
Трите платформи на „Tencent“ – „QQ Music“, „KuGou“ и „Kuwo“, се претвораат во поважен фактор за западните поп ѕвезди како Кети Пери и Ријана кои сакаат да продаваат музика во Кина, заедно со локалните ѕвезди.
„Разбирањето на „Tecent“ за тоа како да заработува пари од сообраќај е многу подобро од тоа на „Spotify““, коментира Алекс Јао, аналитичар на „JPMorgan Chase & Co“ со седиште во Хонг Конг. „Ако сакате да го направите така што еден пејач не само да продава копии од албумите, но и да има одлична интеракција со симпатизерите, нема компанија во светот која ќе се натпреварува со „Tencent““, додава тој.
Сепак, конкурентите не се потценуваат. Иако не работи во Кина, „Spotify“ ќе биде котирана на берзата во Њујорк и се очекува да достигне пазарна вредност од околу 15 милијарди долари, објави шведскиот весник на 20-ти ноември. „Spotify“ одби да коментира за можностите на ИПО.
На 8-ми декември, „Spotify“ и „Tencent“ објавија дека се приклучуваат на партнерство. „Tencent“ и нејзината музичка дивизија ќе добие малцински удел во „Spotify“ од актуелните инвеститори, додека „Spotify“ ќе добие дел од „Tencent Music“.
„Apple Music“ е клучен дел од желбата на „Apple“ да го зголеми двојниот приход од услугите до околу 50 милијарди долари во 2020-та година. Во Кина, музичкиот бизнис се гледа како начин да се зголеми продажбата на „iPhone“ во океанот од поевтини уреди, отколку евтини локални производители, како што се „Huawei Technologies“ и „Xiaomi“.
„Tencent“ веќе има предност над своите локални ривали „Alibaba Group Holding“ и „NetEase“. Таа опфаќа над 70% од сообраќајот на стриминг музика во Кина, според Меѓународната федерација на музичката индустрија.
