На вчерашната редовна седница Владата го усвои дополнетиот предлог-буџет за 2018 година со прифатените амандмани од комисиската расправа во Собранието.
Министерот за финансии, Драган Тевдовски, ги информира членовите на Владата дека во дополнетиот предлог-буџет за 2018 година се направени зголемувања на финансиските средства за гасификација во висина од 120 милиони денари, блок-дотации за градинки, основни и средни училишта, културни установи на регионално ниво, со зголемување од 200 милиони денари, во Фондот за здравство од 100 милиони денари и во Инспекторатот за животна средина од 10 милиони денари.
Буџетот за 2018 година веднаш по усвојувањето е пуштен до Собранието на Република Македонија на усвојување.
